ភ្នំពេញ៖ នាព្រឹកថ្ងៃទី២៤ ខែវិច្ឆិកា ឆ្នាំ២០២៥ ឯកឧត្តម សុខ ដារ៉ា អគ្គនាយកនិយ័តករបរធន បាលកិច្ច បានអញ្ជើញជាអធិបតីបើកសិក្ខាសាលាពិគ្រោះយោបល់ជាសាធារណៈលើសេចក្តីព្រាងប្រកាសស្តីពីការដាក់ទណ្ឌកម្មខាងវិន័យចំពោះបុគ្គលរាយការណ៍ក្នុងវិស័យបរធនបាលកិច្ចដែលមិនអនុវត្តតាមច្បាប់ស្តីពីការប្រឆាំងសម្អាតប្រាក់ និងបិរញ្ញប្បទានភេវរកម្ម និងសេចក្តីព្រាងប្រកាសស្តីពីការដោះស្រាយវិវាទក្នុងវិស័យបរធនបាលកិច្ច ដោយមានសមាជិកជាច្រើនរូបទៀតបានចូលរួមផងដែរ។
លោក ភួន សុភី ប្រធានផ្នែកវាយតម្លៃអចលនវត្ថុ ក្រុមហ៊ុនខេអេអេហ្វអេ ដែលបានចូលរួមក្នុងសិក្ខាខាងលើ បានបង្ហាញនូវអារម្មណ៍រីករាយ និងទទួលបាននូវចំណេះដឹងបន្ថែមទៀតសម្រាប់អភិវឌ្ឍន៍ខ្លូនឯង ពិសេសចែករំលែកចំណេះដឹងនេះដល់បុគ្គលិករបស់ក្រុមហ៊ុនទាំងមូលផងដែរ។
សិក្ខាសាលាពិគ្រោះយោបល់ជាសាធារណៈនេះ មានការចូលរួមពីតំណាងក្រសួងយុត្តិធម៌ ក្រសួងពាណិជ្ជកម្ម ធនាគារជាតិនៃកម្ពុជា សមាគមបរធនបាលកម្ពុជា គណៈកម្មាធិការជាតិប្រឆាំងភេរវកម្ម ក្រុមហ៊ុនបរធនបាល, ធនាគារពាណិជ្ជដែលជាប្រតិបត្តិករបរធនបាល ផ្តល់សេវាសុវត្តិភាពឬរក្សាទុក, បរធនបាលរូបវន្តបុគ្គលឯករាជ្យ, ក្រុមហ៊ុនវាយតម្លៃ និងក្រុមហ៊ុនផ្តល់សេវាសវនកម្មក្នុងវិស័យបរធនបាលកិច្ច ព្រមទាំងអង្គភាព និងស្ថាប័នពាក់ព័ន្ធផ្សេងទៀត។
អត្ថបទ/រូបភាព ដោយ៖ ក្រុមការងារខេអេហ្វអេ