ជាធម្មតានៅពេលពិធីបុណ្យទានម្ដងៗ មានបងប្អូនជាច្រើនបានគម្រោងគម្រោងចេញដំណើរទៅកម្សាន្តនៅខេត្តនានា ជាពិសេសខេត្តកំពតតែម្តង ព្រោះជាខេត្តនៅជិតរាជធានីភ្នំពេញ មានអំណោយផលទេសចរណ៍ មានភ្នំ មានសមុទ្រទឹកប្រៃ អាចនាំកូនៗចុះងូតទឹកលេងកម្សាន្តយ៉ាងសប្បាយ ទៀតផង។
ទោះជាបែបនេះក្តី មិនថាឆ្នាំណា ឬឆ្នាំណាទេ គេសង្កេតឃើញថា ពេលធ្វើដំណើរទៅលេងកម្សាន្តទីរួមខេត្តកំពតនៅឱកាសបុណ្យទានម្តងៗ ភាគច្រើនបងប្អូនតែងធ្វើដំណើរតាមផ្លូវជាតិលេខ០៣ ដែលដែលមានសភាពធំទូលាយអ៊ុតកៅស៊ូរាបស្មើ ងាយស្រួលធ្វើដំណើរងាយស្រួលបើកបរ។ ប៉ុន្តែទន្ទឹមគ្នានោះក៍ងាយនឹងស្ទះចរាចរណ៍ផងដែរ ដោយសាររថយន្តដំណើរតាមផ្លូវនោះមានចំនួនច្រើនលើសកម្រិត។ ដូច្នេះដើម្បីបញ្ច្រៀសការកកស្ទះ បងប្អូនអាចធ្វើដំណើរតាមផ្លូវជាតិលេខ៤១ ក៍មានងាយស្រួលក្នុងការធ្វើដំណើរដូចផ្លូវជាតិលេខ០៣ផងដែរ ហើយមានរយៈចម្ងាយជិតជាងផង។
ដើម្បីធ្វើតាមផ្លូវជាតិលេខជាតិលេខ៤១បាន ពេលបងប្អូនចេញពីភ្នំពេញ កាត់តាមស្ពានអាកាសចោមចៅត្រូវបញ្ជារថយន្តឆ្ពោះទៅផ្លូវជាតិលេខ០៤ ជិះចម្ងាយប្រមាណជិត១០គីឡូម៉ែត្រ នឹងទៅដល់ស្តុបថ្នល់ទទឹង ហើយពេលឆ្លងស្តុបរួចបត់ឆ្វេងធ្វើដំណើរតាមផ្លូវកៅស៊ូទើបស្ថាបនាហើយថ្មីៗ នោះហើយគឺជាផ្លូវជាតិលេខ៤១ មានចំនួនប្រមាណជាង៩៥គីឡូម៉ែត្រប៉ុណ្ណោះ ពីស្តុបថ្នល់ទទឹងទៅដល់ចំណុបប្រសប់លោកយាយម៉ៅ ដែលជាចំណុចប្រសប់រួមរវាងផ្លូវជាតិលេខ៤១និងផ្លូវជាតិលេខ០៣ ពេលនោះហើយបងប្អូនអាចធ្វើដំណើរលើវិថីតែមួយឆ្ពោះទៅមាត់សមុទ្រទីរួមខេត្តកំពតបានដួចគ្នា។
យ៉ាងណាក៍ដោយបងប្អូនតែងមានអារម្មណ៍ងថា ជិះតាមផ្លូវនោះហាក់វាងឆ្ងាយបន្តិច តែបើគិតរយៈពេល ប្រហែលជាលឿនជាងផ្លូវជាតិលេខ០៣ទៀតផង។
អ្នកធ្លាប់ធ្វើដំណើរឆ្លងកាត់ បើសិនមិនមានការកកស្ទះគឺមានរយៈពេលប្រហាក់ហែលគ្នា ពីភ្នំពេញទៅកំពតក្នុងរង្វង់ប្រហែលជាង២ម៉ោងប៉ុណ្ណោះ ប៉ុន្តែបើមានការកកស្ទះ០១ម៉ោងឬ០២ម៉ោងនោះ ប្រាកដជាត្រូវខាតពេលច្រើន ខាតប្រេងសាំងធុញថប់ក្នុងអារម្មណ៍ទៀតផង ព្រោះបទពិសោធន័៍ផ្លូវជាតិលេខ០៣តែងមានការកកស្ទះជា្រច្រើនកន្លែង ពិសេសនៅចំណុចស្ពាន០៧មករា ឬស្ពានកំពង់ទួល ក្នុងខណ្ឌដង្កោ រាជធានីភ្នំពេញតែម្តង នៅពេលឱកាសបុណ្យទានម្តងៗមិនថាបុណ្យចូលឆ្នាំខ្មែរឬបុណ្យចូលឆ្នាំចិននោះទេ។
គួរបញ្ជាក់ថា ផ្លូវជាតិលេខ៤១មានប្រវែង៩៦គីឡូម៉ែត្រ ត្រូវបានសម្ភោសធន៍ស្ថាបនាឡើងវិញក្នុងអំឡុងខែធ្នូ ឆ្នាំ២០២២ ដែលចំណាយទឹកប្រាក់ប្រមាណជា៦៧លានដយុល្លារអាមេរិក ដែលជាផ្លូវយុទ្ឋសាស្រ្តដ៍សំខាន់ ក្នុងការចូលរួមលើកកម្ពស់ការអភិវឌ្ឍទេសចរណ៍យ៉ាងសំខាន់ឆ្ពោះទៅខេតត្តកំពត ក្នុងនោះមានដូចជា តំបន់ឧទ្យានជាតិព្រះមុនីវង្សបូកគោ តំបន់ឆ្នេរសមុទ្រធម្មជាតិ កោះទន្សាយ និងតំបន់ទឹកធ្លាក់ធម្មជាតិជាដើម៕
